Kalye Matahimik

'Sang ale ang sa dyipni'y pumanhik,
"Boss, dyan lang sa kalye matahimik!"
nagbayad at naupong tahimik.

Makalipas ang iilang saglit ,
Pumara ang babaeng masungit,
"Mama, para dyan sa matahimik!"

Lumampas, patuloy pa rin ang dyip,
"Mama, sabi nang sa matahimik!"
pumreno ang paang naiinip.

Bumaba ang aleng nagngingitngit
naiwan akong nawala'ng baltik
sa dyip na ang bayad ko ay sulit.

02.12.11