Siyam na buwan mo akong tangan-tangan,
iningatan sa bawat ikot at ritmo.
Dumating ang takdang araw, pikit mata
nang una kong masilayan itong mundo.
Umalingawngaw ang aking pagpalahaw,
hudyat ng aking sisimulang kalbaryo.
Mahirap para sa akin ang maglakbay
patungo sa sangandaan ng Golgota;
Datapwat nariyan ka mahal kong ina,
pasan ang krus ko habang di ko pa kaya.
Para sa akin, araw-araw mother's day...
Isang payak na tula para sa aking pinakamamahal na ina//fcs_052002
No comments:
Post a Comment