Kahanga-Hangang Krus

Ano'ng makabubuhay
sa mga taong patay?
Ano ang magbibigay,
mabisang kagalingan
sa kalul'wang sugatan?
Ano'ng makapupuno
sa lahat ng kawalan?

Ano'ng makabubuo
sa wasak na tahanan?
Ano'ng makasusuko
sa kinakalyong puso?
Ano'ng makahahayag
sa pag-ibig ng Dios
sa'ting kalunos-lunos?

Sa pag-ibig N'yang lubos;
pinalitan ni Jesus
sa kahanga-hangang krus,
ang mga nakagapos
sa tanikalang unos -
sala ng sanlibutan.

Isa itong himala -
isang kababalaghan;
na ang pusong pulubi,
ay may pag-asa pa nga
na maligtas, luminis
sa tinigis na dugo
sa bundok ng mga bungo!

051811