Basura! Basura!

 

"Basura, basura!"

Sigaw ng basurero isang umaga.

"Mga nabubulok ngayong Martes,

di nabubulok sa Huwebes!"

Hirit pa nya.

Lumabas ang aking kapitbahay

na kapupunas pa lang ng laway.

"Bakit di nyo kinukuha ang basura ko,

nakabalot naman ito?"

Angal ng mamang mareklamo.

"Halu-halo po kasi basura nyo!"

Katwiran ng basurero.

"Dati naman kinukuha ninyo,

kayo na ang maghiwa-hiwalay.

Kung ayaw nyong mabahuan,

mag opisina kayo!"

Tuyâ ng mamang bata.

Dumating ang Huwebes,

bumalik ang mga basurero.

Matiyaga uling naghakot.

"Basura! Basura!"

Iba ang bigkas at tono.

"Basura nang hindi pa nabubulok!"

Singhal nya pagtapat sa bahay

ng tulog pang maangal.

x.xii.xi_fcs