Tukso

Kita ng matá
ang pagpipilian
damá ng pusò
ang pagsubok,
ngunit nasa isip
ang pagpili.

031912.fcs.dar

Tulóg Ang Panaginip

Kahit anupang gawín
hindi ka makagaláw,
halos pag-asa'y tanáw
ngunit lugmok sa dilím,
matamis ang palaták
habang langô sa walâ,

tulóg ang panaginip.

031612.fcs.tsora

Kapatiran o Kapapatirán?

Saán nga ba sa katawan
naron ang paniniwalà
syang dapat na malatayan;
masubok lang, katapatan?

'San mapapatid ang pintig
ng pananampalatayà
nang mai-ukit ng palò,
sukdulang dugó'y mapatíd

matawag lang na kapatíd?

03.04.12.fcs.kalayaan