Madaling mangulimbat
kung ang mga kasabwat
ay puro mga alat.
09.25.11_Diona
25 September 2011
24 September 2011
Kumpletong Araw
Sumasagwan akong paahon sa daluyong habang nililiglig ang magkabilang katig ng malilikot na alon. Pagkatapos mabanat ang mga buto, narating din ang ituktok at tumambad sa akin ang isang paraiso. Payapa ang paligid; ni hindi mo maririnig ang lagaslas ng talon na humahalik sa lawa, matining ang tubig. Payak ang buhay, halos pabulong kung mag-usap ang mga taga nayon, maaliwalas ang kanilang mga ngiti.
Ang napansin ko lang,
tila pangalawang beses ko na itong narating,
madali rin akong nainip.
Ang lugar, perpekto na sana bagaman nakabibighani,
kaya lang parang may kulang...
"Dadi gising na, mahuhuli ka na sa trabaho!"
Kumpleto na naman
ang araw ko.
09.24.11_fCs
20 September 2011
Kung Ika'y Kapiling
Ang dagat;
masarap panoorin
habang kayakap
ang buhangin,
masarap languyin
habang dinuduyan
sa ihip ng hangin,
pero mas masarap kung ito'y tatawirin...
...at ikaw ang kapiling.
09.20.11
18 September 2011
Kundi Ikaw
Hindi kailangan ng pag-ibig ko
ang buwan sa kalawakan
o bituing makinang;
walang harana,
walang rosas,
walang sayaw.
Hindi kailangan ng pag-ibig ko
ang lahat ng mga bagay...
...kundi ikaw.
09.19.11
Happy Anniversary sating dalawa mahal ko...
ang buwan sa kalawakan
o bituing makinang;
walang harana,
walang rosas,
walang sayaw.
Hindi kailangan ng pag-ibig ko
ang lahat ng mga bagay...
...kundi ikaw.
09.19.11
Happy Anniversary sating dalawa mahal ko...
Ang Aking Katugma
Ano pang kwenta
na makagawa
ng 'sang sonata
kung mawala ka?
Ikaw ang aking tula
sa buhay ko'y tumutugma,
parang ihip ng amihan,
dala-dala ang ginhawa
sa aking puso at kaluluwa
habang idinuduyan
sa lilim ng iyong
mahalimuyak
na pag-big
na nakabigkis
sa pag-ibig ng Diyos.
09.16.11
~~~~~~~~~~~~~~~~~
Maligayang kaarawan sa'yo Franz, mahal kong esposa...sensya na...natrapik ng konti sa langit ang aking pa pansit!
na makagawa
ng 'sang sonata
kung mawala ka?
Ikaw ang aking tula
sa buhay ko'y tumutugma,
parang ihip ng amihan,
dala-dala ang ginhawa
sa aking puso at kaluluwa
habang idinuduyan
sa lilim ng iyong
mahalimuyak
na pag-big
na nakabigkis
sa pag-ibig ng Diyos.
09.16.11
~~~~~~~~~~~~~~~~~
Maligayang kaarawan sa'yo Franz, mahal kong esposa...sensya na...natrapik ng konti sa langit ang aking pa pansit!
16 September 2011
Bayaning Walang Pangalan
Di marunong tumula
wala rin librong likha,
mahal lamang ang kapwa.
09.16.11_Diona
14 September 2011
13 September 2011
12 September 2011
11 September 2011
10 September 2011
09 September 2011
Subscribe to:
Posts (Atom)